Son yeniləmə: 28 Fevral 2024 10:21
BAYRAQDAR MEDİA – 26 fevral tarixindən başlayaraq Meksika, Kolumbiya və Perunun paytaxt şəhərləri Mexiko, Boqota və Limanın mərkəzi küçələrində yerləşən böyük və orta ölçülü lövhələrdə “Xocalıya ədalət” çağırışları əks olunub.
Bu barədə BAYRAQDAR MEDİA-ya fevralın 28-də Azərbaycanın Meksikadakı səfirliyindən məlumat verilib.
Bildirilib ki, lövhılər “Xocalıya ədalət” beynəlxalq maarifləndirmə kampaniyası çərçivəsində Xocalı soyqırımının 32-ci ildönümü ilə əlaqədar yerləşdirilib.
Məlumata görə, lövhələrdə Xocalı soyqırımı qurbanlarının xatirəsinə ucaldılmış abidənin təsviri, “Xocalı Soyqırımı32 il”, “Xatırlayırıq”, “Azərbaycana qarşı cinayət” şüarları və”Xocalıya ədalət” kampaniyasının rəsmi internet səhifəsi təsvir olunub: “Adıçəkilən şəhərlərin sakinlərilövhələrdə yer almış “Xocalıya ədalət” kampaniyasının rəsmi internet səhifəsinə daxil olaraq soyqırımı haqda ətraflı məlumat əldə edə bilir. Elektron lövhələr bir neçə gün ərzində nümayiş etdiriləcək”.
