BAYRAQDAR MEDİA – Ermənistan dövləti Rusiyanın qurduğu və öz maraqları üçün istifadə etdiyi Kollektiv Təhlükəsizlik Müqaviləsi Təşkilatında üzvlüyünü dondurub.
Bunu fevralın 22-də France 24 TV kanalına müsahibəsində Ermənistanın Baş naziri Nikol Paşinyan deyib.
Baş nazir bu mövqeyini üzvü olduqları KTMT-nin Ermənistana gərəkli dəstəyi verməməsi ilə əlaqələndirib.
Jurnalistin, “Ermənistan öz ərazisindən Rusiya qoşunlarını çıxarmağa hazırlaşırmı” sualına da cavab verən Nikol Paşinyan bildirib ki, “hələlik belə bir məsələ gündəlikdə deyil”.
