BAYRAQDAR MEDİA – AMEA Mərkəzi Elmi Kitabxanasında (MEK) “Azərbaycanın elm və mədəniyyət xadimləri” seriyası ilə növbəti biblioqrafik göstərici işıq üzü görüb.
Bu haqda xəbər BAYRAQDAR MEDİA-ya sözügedən Kitabxanadan daxil olub.
Xəbərdə bildirilir ki, “göstərici Əməkdar elm xadimi, AMEA-nın müxbir üzvü, biologiya elmləri doktoru, Prof. Vaqif Novruzovun 80 illiyinə həsr edilib. Alimin kitabları, elmi məqalələri, elmi rəhbəri və məsləhətçisi olduğu dissertasiya işlərinin də əlavə edildiyi biblioqrafiyada, V.Novruzovun həyatının əsas tarixləri göstərilib, ictimai və elmi-pedaqoji fəaliyyəti haqqında qısa oçerk, görkəmli elm xadimlərinin onun haqqında yazıları öz əksini tapıb”.
Nəşrin elmi redaktoru MEK-in direktoru, Prof. Məmməd Əliyev, tərtibçisi Rəna Cavadova, redaktoru Nərgiz Novruzovadır.
Göstərici biologiya elmi sahəsində çalışan alim və mütəxəssislər, ali məktəb tələbələri, habelə geniş oxucu kütləsi üçün nəzərdə tutulub.
