Son yeniləmə: 22 Fevral 2024 11:04
BAYRAQDAR MEDİA – AMEA Mərkəzi Elmi Kitabxanasında görkəmli Azərbaycan yazıçısı Cəlil Məmmədquluzadənin “Molla Nəsrəddin – felyetonlar, məqalələr, xatirələr, məktublar” kitabı da var.
Kitab C.Məmmədquluzadənin “Əsərləri”nin 1947-ci ildə çıxmış 3-cü cildi (tərtib edənlər H.Səmədzadə və Əziz Mirəhmədov) və 1951-1954-cü illərdə çıxmış ikicildliyi (çapa hazırlayanı və redaktoru Əziz Mirəhmədov) əsasında çap olunub. Lakin bu nəşrdə dramaturqun yeni əsərləri də çoxdur.
Kitabda yazıçının “Tərəqqi əlamətləri”, “Həmşəri”, “Məsləkimiz”, “Xeyir-dua”, “İdarədən”, “Köhnə dərdim”, “Nuri-çeşmim”, “Əzizim Məhəmmədəli”, “Qələm yoldaşım Məhəmmədəli Sidqiyə” və s. kimi felyetonlar, məqalələr, məktubları yer alır.
Qeyd edək ki, bu gün C.Məmmədquluzadənin anadan olmasının 155-ci ildönümüdür. O, 1869-cu ilin fevralın 22-də doğulub.
