Mehmet Nuri Ersoy: Biz onların irsini bütün dünyaya tanıdacağıq
BAYRAQDAR MEDİA – Qardaş Türkiyənin turizm imkanları xaricin turistlrəi heyran edir. Türkiyənin turizm sahəsinə cavabdeh müvafiq qurumları isə bu sahənin inkişafı üçün davamlı addımlar atırlar.
Bu arada Türkiyənin mədəniyyət və turizm naziri Mehmet Nuri Ersoy maraqlı açıqlama verib.
BAYRAQDAR MEDİA-ya verilən məlumata görə, nazir Aydının Karacasu bölgəsində yerləşən Afrodisias Antik Şəhərinin cəmi 1 milyard 750 milyon TL büdcə ayrılan layihələrlə rekord qıran ziyarətçi sayına çatan tarixi irsə çevriləcəyini açıqlayıb.
Məlumatda deyilir ki, Afrodisias Antik Şəhərinin tanıtım tədbirində çıxış edən M.N.Ersoy, bu tarixi bölgənin Roma dövründə heykəltəraşlıq incəsənətinin əks olunduğu qabaqcıl mərkəzlərdən biri olduğuna diqqət çəkib: “Şəhərdəki tarixi tapıtılarının çoxunun Roma dövrünə aid olduğunu bildirən M.N. Ersoy, “Afrodiziyalılar heykəltəraşlıq sənətindəki ustalıqları ilə özlərini Roma dünyasına tanıtdılar, biz də onların irsini bütün dünyaya tanıdacağıq” deyib”.
Məlumata əsasən, nazir türk alimlərindən ibarət koordinatorların xarici qazıntı rəhbərləri ilə qədim şəhərlərə təyin edildiyini və Afrodisias üçün, eyni zamanda Tripolis Qədim Şəhər arxeoloji qazııntısına rəhbərlik edən Prof. Dr. Bahadır Dumanın təyin olunduğu deyib.
“Gələcəyə Afrodisias İrsi” layihəsi çərçivəsində görüləcək işlər haqqında məlumat verən M.N.Ersoy deyib: “Afrodisiasda şəhər parkı və hovuzu ilə yanaşı, ən möhtəşəm tikililərdən biri olan Tetrapylonun konservasiyasına və Tetrastonun qazıntı və bərpa işlərinə başlayırıq. Qədim zamanlarda Afrodisiasdakı bazilika şəhərin ən böyük qapalı binası idi. Binanın ön hissəsinə diqqət yetirən yeni layihə ilə 2023-cü ildə nəhəng giriş sütunlarının quraşdırılması işini başa çatdırdıq və binanın fasadında Diocletian-ın “Maksimum qiymətləri fərmanı”nı nümayiş etdirdik. İndi isə biz yeni layihə ilə binanın qalan hissəsi üçün qazıntı işləri aparacaq, mozaikaların konservasiyasını başa çatdıracaq və binanı sütunlarını qaldıraraq ziyarətçilər tərəfindən bu tarixi irsin aydın anlaşılması üçün çalışacağıq. Təxminən 120 il əvvəl qazılan və aradan keçən müddətdə yenidən yerin altında qalan gimnaziyanı qazaraq, strukturu yenidən ortaya çıxaracaq və ziyarətçi marşrutuna alternativ yaradacağıq”.
Layihə çərçivəsində hamam otaqlarını ziyarətçilərin üzünə açacaqlarını vurğulayan nazir, aparılacaq qazıntılarla Afrodisiasda yeni bir quruluş ortaya çıxaracaqlarını və şəhərin divarlarını görünən hala gətirəcəklərini bildirib.
Məlumaat əsasən, layihə çərçivəsində Afrodisiasdakı Osmanlı dövrü hamamları və Geyre evləri üçün sənədləşmə, konservasiya və bərpa işləri aparacaqlarını bildirən M.N.Ersoy, çox saydam yazıları və naxışlı mərmər sarkofaqları olan qədim şəhərdə iki yeni sərgi sahəsi planlaşdırdıqlarını deyib: “Gecə muzeyşünaslığı çərçivəsində monumental binaları və tur yollarını işıqlandıraraq qədim şəhəri ziyarətçilərin üzünə açacaqlarını bildirən Ersoy sözlərini belə davam edib: “Afrodisias Muzeyimizdə gücləndirmə işləri, nümayiş, tənzimləmə və təmir işləri də həyata keçirəcəyik. Afrodisias üçün hazırlanan bütün bu layihələr, başlayan tətbiqlər və sıx iş rejimi ilə şəhərin daha çox insana çatmasını təmin edəcəyik və layihə üçün bütünlükdə 1 milyard 750 milyon TL büdcə ayıracağıq. Buradakı dəyişiklikləri müşahidə etmək üçün bir ildən sonra yenidən burada görüşəcəyik. Afrodisias digər xarabalıqlarımıza nümunə olacaq və gecə muzeyləri və qabaqcıl bərpa işləri ilə ziyarətçi rekordları qıran bir məkana çevriləcək”.
Proqrama Aydın valisi Yakup Canbolat, AK Parti Aydın Büyükşəhir Bələdiyyəsi sədrliyinə namizəd Mustafa Savaş, Karacasu Bələdiyyə başçısı Mehmet Erikmen, AK Parti MKYK üzvü Umut Tuncer, AK Parti İl sədri Gökhan Ökten və MHP İl sədri Haluk Alıcık da qatılıb.
