BAYRAQDAR MEDİA – AMEA-nın Nizami Gəncəvi adına Ədəbiyyat İnstitutu və qardaş Özbəkistanın Azərbaycandakı səfirliyinin birgə təşkilatçılığı ilə keçirilmiş “Əlişir Nəvai və Zahirəddin Məhəmməd Babur” mövzusunda elmi konfransda iştirak edən Özbəkistanın Azərbaycandakı səfiri Bəhram Əşrəfxanov Mərkəzi Elmi Kitabxana (MEK) ilə tanış olub.
Bu haqda xəbər BAYRAQDAR MEDİA-ya MEK-dən daxil olub.
Xəbərdə qeyd edilir ki, “MEK-in direktoru, Prof. Məmməd Əliyev qonağı Azərbaycan kitabxana sistemində ilk olan Qarabağ müharibəsi qəhrəmanları fondu ilə tanış edib, burada toplanan sənədlər haqqında ətraflı məlumat verib. Həmçinin qonaq kitabxananın Diplomatik fondunda müxtəlif ölkələrdən MEK-ə hədiyyə olunmuş nəşrlərə, o cümlədən Özbəkistan guşəsindəki ədəbiyyatlara baxıb. Sonda səfir nəfis tərtib olunmuş “Yeni Özbəkistan” adlı nəşri MEK-ə hədiyyə edib”.
Qeyd edək ki, MEK Özbəkistanın Mamun Universiteti, Ürgənc Dövlət Pedaqoji İnstitutu və bir sıra elmi təşkilatları ilə uğurlu əməkdaşlıq həyata keçirir.
