Son yeniləmə: 16 Fevral 2024 10:42
BAYRAQDAR MEDİA – Kənd təsərrüfatı nazirinin səlahiyyətlərini icra edən Məcnun Məmmədov fevralın 23-də, saat 09:00-da Bərdə Dövlət Aqrar İnkişaf Mərkəzinin inzibati binasında Bərdə və Tərtər rayonlarından olan vətəndaşları qəbul edəcək.
Bu barədə BAYRAQDAR MEDİA-ya fevralın 16-da Kənd Təsərrüfatı Nazirliyindən məlumat verilib.
Bildirilib ki, “qəbul zamanı vətəndaşların Kənd Təsərrüfatı Nazirliyinin səlahiyyət dairəsinə aid məsələlərlə bağlı müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək. Vətəndaş qəbulunda iştirak etmək istəyənlər Bərdə Dövlət Aqrar İnkişaf Mərkəzinə (051-993-18-18) müraciət edə bilərlər. Qəbula yazılmaq üçün, həmçinin Kənd Təsərrüfatı Nazirliyinin “Çağrı Mərkəzi”nə zəng etməklə (1652) qeydiyyatdan keçmək olar”.
Qəbula gələn vətəndaşlar əvvəlcədən qeydiyyatdan keçməli və şəxsiyyətlərini təsdiq edən sənədləri özləri ilə gətirməlidirlər.
