BAYRAQDAR MEDİA – Fevralın 16-da Prezident İlham Əliyev Əli Əsədovun Baş nazir təyin edilməsi ilə bağlı Sərəncam imzalayıb.
Prezidentin mətbuat xidməti Sərəncamın mətnini elan edib.
Qeyd edək ki, yeni seçilmiş prezident vəzifəsinin icrasına başlayan andan Nazirlər Kabineti tam tərkibdə istefa verməlidir. İlham Əliyev də fevralın 14-də and içərək Prezident vəzifəsinin icrasına başladığı andan Nazirlər Kabineti istefaya getmişdi. Lakin İlham Əliyev Kabinetin öz fəaliyyətlərini müvəqqəti icra etməsi üçün Sərəncam vermişdi.
Fevralın 16-da isə Baş nazir təyinatına Milli Məclisin razılığı rəsmiləşdirilib. Bunun ardınca da Prezident Əli Əsədovu Baş nazir təyin edib.
