BAYRAQDAR MEDİA – Fevralın 21-i saat 19:00-da YARAT Müasir İncəsənət Məkanı Xurşidbanu Natəvanın vaxtilə keçirdiyi “Məclisi-üns” məşhur poeziya məclisləri ənənəsinə çağdaş ruh qataraq yeni “Poetry Hub” adlı layihəyə başlayıb.
Bu haqda YARAT-ın yaydığı xəbərdə deyilir.
Xəbərdə bildirilir ki, “həmin gün “Yoxlanılıb, mina yoxdur!” adlı qrup sərgi çərçivəsində klassik və müasir poeziya ab-havasında tədbir keçiriləcək. Proqramın musiqi tərtibatının müəllifi, səs mühəndisi və ifaçısı Sultan Nadirov, müəlliflər və qiraətçilər isə Nigar Babayeva, Şahrun Süleymanova, Kamal Hüseynzadə, Pərviz Seyidli, Xanım Aydın, Hüseynağa Aslanov, Nicat Nəsri və Fərid Hüseyndir”.
Qeyd edək ki, tədbirdə iştirak etmək üçün qeydiyyatdan keçmək lazımdır.
