Son yeniləmə: 14 Fevral 2024 14:25
BAYRAQDAR MEDİA – Xəbər verdiyimiz kimi, Prezident İlham Əliyev fevralın 14-də növbəti mərhələ üçün and içərək vəzifəsinin icrasına başlayıb.
İlham Əliyev and içərək vəzifəsinin icrasına başlayıb – VİDEO
Prezidentin mətbuat xidməti xəbər verir ki, andiçmə mərasimindən sonra İlham Əliyev və birinci xanım Mehriban Əliyeva Fəxri xiyabana gələrək müasir müstəqil Azərbaycan dövlətinin memarı və qurucusu, Ümummilli Lider Heydər Əliyevin məzarını ziyarət edib.
Ziyarət zamanı Ulu Öndərin məzarı önünə gül dəstələri qoyulub.
Daha sonra Prezident birinci xanım görkəmli oftalmoloq-alim, akademik Zərifə xanım Əliyevanın məzarını ziyarət edərək üzərinə gül dəstələri qoyub.
Onlar eyni zamanda tanınmış dövlət xadimi Əziz Əliyevin və Prof. Tamerlan Əliyevin məzarlarının üstünə də gül dəstələri düzüblər.
