BAYRAQDAR MEDİA – Görkəmli heykəltəraş, Əməkdar incəsənət xadimi, Xalq rəssamı, “İstiqlal”, “Şərəf”, “Heydər Əliyev” ordenli, AMEA-nın həqiqi üzvü Ömər Eldarovun həyatı, elmi-pedaqoji və ictimai fəaliyyətini əks etdirən biblioqrafik göstərici hazırlanıb.
Bu haqda xəbər BAYRAQDAR MEDİA-ya AMEA-nın Mərkəzi Elmi Kitabxanasından (MEK) daxil olub.
Xəbərdə bildirilir ki, “MEK tərəfindən tərtib olunan biblioqrafik göstərici görkəmli heykəltaraşın 95 illiyinə həsr edilib. Biblioqrafik göstərici 1960-2023-cü illəri əhatə edir. Göstəriciyə alimin portretləri, memorial abidələri və monumental əsərlərinin siyahısı, eyni zamanda dövri, ardı davam edən və seriyalı nəşrlərdə Azərbaycan və rus dillərində dərc olunmuş məqalələrinin, redaktoru olduğu elmi əsərlərin siyahısı daxil edilib”.
Vəsaitin elmi redaktoru MEK-in direktoru, Prof. Məmməd Əliyev, redaktoru Əməkdar mədəniyyət işçisi Xuraman İsmayılova, Rəna Cavadova, tərtibçisi Nərgiz Novruzovadır.
Göstərici sənətşünaslıq sahəsində çalışan mütəxəssislər və geniş oxucu kütləsi üçün nəzərdə tutulub.
