13 fevral görkəmli şairin anım günüdür
BAYRAQDAR MEDİA – AMEA Mərkəzi Elmi Kitabxanasındakı (MEK) nəşrlər sırasında tanınmış Azərbaycan şairi, ədəbiyyatşünası Bəxtiyar Vahabzadənin seçilmiş əsərləri də yer alır.
Nəşrdə müəllifin müxtəlif illərdə qələmə aldığı poemalar toplanıb.
Kitabın girişində müəllif yazır: “Ömrün qürubu yaxınlaşdıqca yaradıcılığa başladığım ilk illərdən bu günə qədər yazdıqlarıma nəzər salmaq, inkişaf xəttimi izləmək, büdrəmələrimi təhlil etmək, xüsusən ilk yazılarımı sənət baxımından ələk-vələk eləmək arzusu gün-gündən qəlbimdə böyüyürdü. 2000-ci ilə çatanda bu arzu reallaşmağa başladı. Mən belə hesab edirəm ki, 1945-1960-cı illər arasında, yəni 15 il ərzində yazılan şeir və poemalarımdan ibarət bu kitab külliyatımın I cildi hesab olunsun. Əgər ömür vəfa eləsə və maddi imkanım olsa, o biri cildləri də öz sağlığımda xronoloji əsasda tədricən çap etdirərəm…”.
Nəşrin tərtib edəni və redaktoru Azər Bağırovdur.
Qeyd edək ki, fevralın 13-ü B.Vahabzadənin vəfatının 15-ci ildönümüdür.
