Son yeniləmə: 12 Fevral 2024 13:55
BAYRAQDAR MEDİA – Bişkekdə görkəmli macar türkoloqu İştvan Konur Mandokanın anadan olmasının 80 illiyinə həsr olunmuş konfrans keçirilib. Tədbir Macarıstan səfirliyinin dəstəyi ilə təşkil olunub.
Veçernıy Bişkek xəbər verir ki, konfrans iştirakçıları İ.K.Mandokinin yaradıcılığının müxtəlif aspektlərinə, o cümlədən elmi məqalələrinə, türkdilli əsərlərin macar dilinə tərcümələrinə, Macarıstan ilə türk dünyası arasında tarixi əlaqələrə dair araşdırmalarına nəzər salıblar.
Alim haqqında ədəbiyyatşünas və alim Pamirbek Kazıbayevin rus və qırğız dillərində hazırladığı kitabın nəşrinin anonsuna xüsusi diqqət yetirilib.
Konfrans iştirakçıları İ.K.Mandokanın tarixi irsi və onun türk elmi üçün əhəmiyyətini müzakirə ediblər. Onun müxtəlif türk xalqları arasında tarixi əlaqələrin öyrənilməsinə verdiyi töhfələr, eləcə də Avropada qıpçaqşünaslığın inkişafına təsiri qeyd edilib.
