BAYRAQDAR MEDİA – Fevralın 9-u saat 19:00-da YARAT Müasir İncəsənət Məkanında “Yoxlanılıb, mina yoxdur!” qrup sərgisi çərçivəsində “Qarabağın əks-sədası obyektivdə” adlı görüş keçiriləcək.
Bu haqda YARAT-ın yaydığı xəbərdə qeyd olunur.
Xəbərdə deyilir ki, “moderatoru Sevinc Aslanova olan görüşdə fotoqraflar – Mirnaib Həsənoğlu, Rəşad Mehdiyev, Zaur Mirzəyev, Vüqar İbadov, Elturan Məmmədov, Əli Rza Qarabağdakı sərgüzəştlərindən bəhs edəcəklər”.
Qeyd edək ki, tədbirə giriş üçün qeydiyyatdan keçmək lazımdır.
