BAYRAQDAR MEDİA – M.Quliyeva adına Türkmənistan Milli Konservatoriyasının Xalq musiqisi fakültəsində universitetin özünün təşəbbüsü ilə baxşı (baxşı tarixi musiqilər ifa edən və dastanlardan bəhs edənlərə deyirlər-red) qadınlardan ibarət ansambl təşkil olunub.
Bu barədə turkmenportal.com saytı məlumat yayıb.
Bildirilib ki, “vokal istedadı və virtuoz dutar ifaçılığı ilə məşhur olan bir çox görkəmli xanım baxşıların yer aldığı yeni yaradıcı kollektiv türkmən xalq musiqisi ənənələrini davam etdirir”.
Məlumata görə, qrupun ilk ictimai çıxışı bu yaxınlarda yeni Arkadağ şəhərində olub və Arkadağ telekanalında yayımlanıb: “Kollektiv 23 əsər ifa edib. Ansambla Türkmənistanın Xalq artisti, incəsənət baxşılığı kafedrasının baş müəllimi Şemşat Xocayeva rəhbərlik edir”.
