BAYRAQDAR MEDİA – 31 yanvar publisist, Azərbaycan Xalq Cümhuriyyətinin (1918-1920) banilərindən biri Məhəmməd Əmin Rəsulzadənin doğum günüdür. Bu münasibətlə AMEA Mərkəzi Elmi Kitabxanası (MEK) tərəfindən “Məhəmməd Əmin Rəsulzadə – 140” adlı virtual sərgi hazırlanıb.
Bu haqda xəbər BAYRAQDAR MEDİA-ya sözügedən Kitabxanadan daxil olub.
Xəbərdə qeyd edilir ki, “sərgidə M.Ə.Rəsulzadənin müəllifi olduğu “Əsərləri”, “Çağımızın Siyavuşu”, “Qafqaz türkləri” (Azərbaycan və türk dillərində), “Çağdaş Azərbaycan tarixi”, “Milli birlik”, “Məktublar. Şəfibəyçilik”, “Azərbaycan şairi Nizami”, “Panturanizm. Qafqaz sorunu”, həmçinin “Məhəmməd Əmin Rəsulzadə mətbuat haqqında”, “Cümhuriyyət qurucuları”, “M.Ə.Rəsulzadənin Türkiyədəki hayatı, fəaliyyəti ve düşüncələri”, “Azərbaycan Milli İstiqlal mübarizəsi və Məhəmməd Əmin Rəsulzadə”, “Azərbaycan Xalq Cümhuriyyətinin paytaxtı və mübariz qərargahı Gəncə”, “Məhəmməd Əmin Rəsulzadə ensiklopediyası”, “Almaniyada Cümhuriyyət arzusu” kitabları, “Azərbaycan Xalq Cümhuriyyəti haqqında dövlət qərarları”, Böyük Britaniyanın arxiv sənədləri əsasında hazırlanmış “Азербайджанская Демократическая Республика”, “А.М. Топчубаши и М.Э. Расулзаде переписка 1923-1926” kimi sənədlər və digərləri yer alıb”.
Qeyd edək ki, virtual sərgi ilə yanaşı, MEK-də ənənəvi sərgi də təşkil olunub.
