BAYRAQDAR MEDİA – YARAT Müasir İncəsənət Məkanı Kommünike layihəsi çərçivəsində növbəti videomaterialı təqdim edib.
Bu haqda YARAT-ın yaydığı xəbərdə qeyd olunur.
Xəbərdə deyilir ki, “videomaterialda rəssam Orxan Hüseynov YARAT-da “Yoxlanılıb, mina yoxdur!” qrup sərgisində nümayiş olunan öz “Ərazi” silsiləsindən bəhs edir. Qarabağın minalardan təmizlənmiş ərazilərini Google maps vasitəsi ilə əldə etdiyi təsvirlər ilə əks etdirən rəssam tekstura ilə işləyərək, minalardan təmizlənən ərazilərin yaratdığı təbii naxışlarla mina terrorunun həm ekoloji, həm də sosial kontekstdə miqyasını diqqətə çatdırır”.
