BAYRAQDAR MEDİA – Türkmənistanın Macarıstandakı səfiri Hemra Amannəzərov Budapeştdə bir sıra rəsmi danışıqlar aparıb.
Türkmənistanın Avstriyadakı səfirliyinin saytı xəbər verir ki, bu görüşlərin məqsədi dövlətlər arasında ikitərəfli münasibətləri gücləndirməkdir.
Bu barədə turkmenportal.com məlumat yayıb.
Bildirilib ki, “Macarıstan Xarici İşlər Nazirliyinin dövlət katibinin mədəniyyət üzrə müavini Mate Vinse ilə görüşdə görkəmli türkmən şairi və mütəfəkkiri Məxtumquli Fəraqinin anadan olmasının 300 illiyi şərəfinə keçiriləcək bayram tədbirlərinin proqramı müzakirə olunub. Macarıstanda Türkmənistan Mədəniyyət Günlərinin keçirilməsi imkanları da nəzərdən keçirilib”.
Qeyd edilib ki, M.Vince Türkmənistan tərəfini Macarıstanda keçiriləcək mədəni tədbirlərdə iştiraka dəvət edib.
Səfir H.Amannəzərov Məxtumquli Fəraqinin anadan olmasının 300 illiyi ilə bağlı çoxsaylı mədəni tədbirlərin nəzərdə tutulduğunu qeyd edib, Macarıstanın mədəniyyət və incəsənət xadimlərini, elm adamlarını tədbirlərdə iştiraka dəvət edib.
