Son yeniləmə: 25 Yanvar 2024 13:43
BAYRAQDAR MEDİA – Turoperatorun fəaliyyətinin dayandırılması ilə əlaqədar 300-dən çox qazaxıstanlı xaricdə qalıb.
Bu barədə el.kz məlumat yayıb.
Bildirilib ki, “Qazaxıstan vətəndaşlarının çıxış turizmi sahəsində hüquqlarına zəmanət sisteminin inzibatçısı Turistic Kamkorun məlumatına görə, TEZ.KZ turoperatoru fəaliyyətini dayandırıb. Lakin bu turoperator vasitəsilə xaricə səyahət edən qazaxıstanlı turistlərin narahat olmağa heç bir əsası yoxdur. El.kz xəbər verir ki, ölkənin Turizm və İdman Nazirliyi onların ölkəyə qaytarılacağını açıqlayıb”.
Məlumata görə, bu turoperator ölkə vətəndaşlarının çıxış turizmi sahəsində hüquqlarının təmin edilməsi sisteminin iştirakçısıdır: “Bu gün bu turoperatorun xaricdə 300-dən çox qazaxıstanlı turisti var. Problemi həll etmək üçün Turizm və İdman Nazirliyində maraqlı tərəflərlə təcili toplantı keçirilib. Belə ki, nazirliyin dəstəyi ilə TEZ.KZ turoperatorunun bütün turistləri turoperatorun zəmanət sistemində topladığı vəsait hesabına Qazaxıstana qaytarılacaq. Zəmanətli qaytarma üçün ilkin şərt Turcode-un olmasıdır. Agentliyin məlumat vərəqinə əsasən, turistlər turizm məhsulunda göstərilən gəliş tarixlərinə uyğun olaraq Qazaxıstana dönüş bileti ilə təmin olunacaqlar”.
