BAYRAQDAR MEDİA – Qırğızıstan Prezidenti Sadır Caparov “Kabar”a müsahibəsində 11 jurnalistin saxlanmasına münasibət bildirib.
Bulak.kg xəbər verir ki, dövlət başçısının sözlərinə görə, saxlanılanlar peşəkar jurnalist deyil.
Prezident bildirib ki, bunlar sosial şəbəkələrdən istifadə edən və müxtəlif, o cümlədən ölkənin milli təhlükəsizliyinə təhdid yaradan məlumatları məsuliyyətsiz şəkildə dərc edən bloqqerlərdir: “Hər bir hüquqi dövlətdə olduğu kimi Qırğızıstan Respublikasında da qanun qarşısında məsuliyyət var. Bu baxımdan informasiyanın etibarlılığına görə hər kəs, ilk növbədə özünü jurnalist və blogger hesab edənlər məsuliyyət daşımalıdır. Dəfələrlə ayrı-ayrı bloqçuların, fəalların açıq-aşkar yalan və dezinformasiya yaymasının şahidi olmuşuq. Tez-tez qəsdən və ya bilməyərəkdən regional, dini və etnik nifrətin qızışdırılması cəhdləri, konstitusiyaya zidd hərəkətlərə və iğtişaşlara çağırışlar olub”.
