BAYRAQDAR MEDİA – AMEA Mərkəzi Elmi Kitabxanasındakı (MEK) nəşrlər sırasında “Yeni Kafkasya yazıları (1923-1927)” kitabı da var.
Kitabı nəşrə türkiyəli alim, Prof. Yavuz Akpınar, yazıçı Selçuk Türkyılmaz, araşdırmaçı Yılmaz Özkaya hazırlayıb.
Nəşrin ön söz hissəsində deyilir: “Biz bu əsərdə Azərbaycan mühacirətinin fikir və siyasətdə öncüsü olan M.Ə.Rəsulzadənin “Yeni Qafqaziya” jurnalındakı yazılarını olduğu kimi bugünkü əlifbaya keçirmişik. Bu yazılar sadəcə M.Ə.Rəsulzadənin fikri-siyasi həyatı üçün deyil, eyni zamanda mühacirətdəki Azərbaycan Milli Hərəkatı, Bolşevik Rusiyanın siyasi, iqtisadi və mədəni həyatı, Türkiyə-Rusiya-Azərbaycan münasibətləri üçün də önəmli mənbədir”.
Bildirək ki, kitabda M.Ə.Rəsulzadənin “Yeni Qafqaziya” jurnalındakı yazıları xronoloji ardıcıllıqla verilib və hər bir yazının hansı nömrədə dərc edildiyi ayrıca qeyd edilib.
