BAYRAQDAR MEDİA – Medianın İnkişafı Agentliyi media sahəsinin inkişafı istiqamətində həyata keçirilən layihələr çərçivəsində gənclərin potensialından daha səmərəli istifadə etmək, onların fərdi və peşəkar inkişafına şərait yaratmaq, media sahəsində gənclərin fəal iştirakını və yaradıcı-innovativ potensialını stimullaşdırmaq, eyni zamanda ölkədə könüllülük hərəkatına dəstək olmaq məqsədi ilə “Media könüllüləri” Proqramına yenidən qeydiyyat elan edib.
Bu haqda sözügedən Agentliyin yaydığı xəbərdə deyilir.
Xəbərdə bildirilir ki, “media sahəsində MEDİA könüllüsü olmaq istəyən 18-29 yaş arası gənclər qeydiyyatdan keçməlidir. Qeydiyyatın son günü yanvarın 31-dir”.
Qeyd edək ki, daha ətraflı məlumat almaq istəyənlər suallarını volunteers@media.gov.az e-poçt ünvanına göndərə bilərlər.
