BAYRAQDAR MEDİA – Bakı məşhur səyahət platforması sayılan Tripadvisor tərəfindən aparılan reytinq cədvəli üzrə dünyanın “Ən yaxşı kulinariya mənzili” nominasiyasında 20 ölkə arasında 13-cü yerdə qərarlaşıb.
Bu haqda xəbər BAYRAQDAR MEDİA-ya Dövlət Turizm Agentliyindən daxil olub.
Xəbərdə deyilir ki, “ümumi olaraq platforma tərəfindən “Səyahətçilərin seçimi – Ən yaxşıların yaxşısı” nominasiyası üzrə son 12 ay ərzində istifadəçilər tərəfindən tövsiyə olunan hotel, restoran və digər kateqoriyalar üzrə reytinq cədvəlləri tərtib olunub. Reytinq cədvəllərinə Tripadvisor platformasında olan 8 milyondan çox səyahət üzrə məkandan yalnız 1 faizi düşə bilib”.
Sonra xəbərdə, “Tripadvisor turistlər üçün maraqlı məkanları, ən yaxşı hotelləri, yemək üçün uyğun yerləri tövsiyə edir. Hər ay 463 milyon səyahətçiyə xidmət göstərən platformada ziyarətçilər məkanlarla bağlı istifadəçi şərhlərini oxuya və tövsiyələrə uyğun seçimlərini edə bilirlər. Veb-saytda 8,6 milyon yerləşmə vasitəsi, restoran, hava yolları və gəmi səyahəti haqqında 859 milyondan çox istifadəçi rəyi mövcuddur” deyə qeyd edilir.
