BAYRAQDAR MEDİA – Türk Mədəniyyəti və İrsi Fondunun prezidenti Aktotı Raimkulova Ankaraya rəsmi səfəri çərçivəsində Türkiyədəki Azərbaycan səfiri Rəşad Məmmədov və Qazaxıstan səfiri Yerkebulan Sapiyev ilə görüşüb.
Bu haqda xəbər BAYRAQDAR MEDİA-ya sözügedən Fonddan daxil olub.
Xəbərdə deyilir ki, “görüşlərdə Türk xalqlarının tarixi dostluq və qardaşlıq münasibətlərinin müasir dövrdə Türk dövlətlərinin başçıları tərəfindən uğurla davam etdirilməsindən söz açılıb. Milli-mədəni irs amilinin qlobal miqyasda, eləcə də Türk Dünyasında xalqların bir-birinə daha da yaxınlaşdırılması istiqamətində önəmli rolu vurğulanıb. Türk dövlətlərinin qədim və zəngin dəyərlərini öyrənən, qoruyan və beynəlxalq səviyyədə tanıdan Fondun çoxşaxəli fəaliyyətləri yüksək qiymətləndirilib”.
Həmçinin görüşlərdə Fond ilə Azərbaycanın Türkiyədəki Səfirliyi və Qazaxıstan Qazaxıstanın Türkiyədəki Səfirliyi arasında əməkdaşlığın gələcək istiqamətləri və birgə layihələr ətrafında müzakirələr aparılıb.
