Son yeniləmə: 17 Yanvar 2024 13:19
BAYARQDAR MEDİA – Bakı Şəhəri üzrə Təhsil İdarəsi (BŞTİ) tərəfindən “Sağlam təhsil mühiti – kreativ yanaşmalar” adlı virtual müsabiqə başlayır.
Bu barədə BAYRAQDAR MEDİA-ya yanvarın 17-də qurumdan məlumat verilib.
Bildirilib ki, “müsabiqənin əsas məqsədi sağlam təhsil mühitinin təşkili istiqamətində görülən işlərin təbliğ edilməsi, təhsil müəssisələrinin yaradıcı yanaşma və təcrübələrinin geniş yayılması, eyni zamanda ictimaiyyətə çatdırılmasından ibarətdir. Müsabiqə çərçivəsində paytaxtın təhsil müəssisələrinin sosial şəbəkə səhifələrində sağlam təhsil mühitini əks etdirən qısa şərhlərlə maraqlı videogörüntülər və ya fotoşəkillər paylaşılacaq”.
Qeyd edilib ki, təhsil müəssisələrinin aprelin 1-dək #sağlamtəhsilmühiti haşteqi ilə yayımlanan paylaşımları izləniləcək, ən çox bəyənilən videogörüntü və ya fotoşəkillər qiymətləndiriləcək, həmçinin BŞTİ-nin sosial şəbəkə səhifələrində yayımlanacaq.
