Son yeniləmə: 16 Yanvar 2024 12:46
Yanvarın 18-də Park Cinemada nümayiş olunacaq
BAYRAQDAR MEDİA – Yanvarın 18-də Park Cinema kinoteatr şəbəkəsində, bütün şəhid analarına həsr olunmuş “Ana” filmi nümayiş olunacaq.
Bu barədə BAYARQDAR MEDİA-ya Park Cinema kinoteatrlar şəbəkəsindən məlumat verilib.
Bildirilib ki, “film mərhum Xalq yazıçısı Gülhüseyn Hüseynoglunun eyni adlı hekayəsi əsasında çəkilmişdir. Ekran işinin layihə rəhbəri Togrul Abdullayev, rejissoru isə Vüsal Məmmədovdur”.
O da qeyd edilib ki, prokatdan əldə olunacaq gəlir “Yaşat Fondu”na ianə ediləcək.
