BAYRAQDAR MEDİA – AMEA Mərkəzi Elmi Kitabxanasındakı nəşrlər sırasında “Heydər Əliyev. Prezidentlik xronikası: 1993-2003” kitabı da yer alır.
Kitab Ümummilli Lider Heydər Əliyevin Azərbaycanın müstəqillik tarixinin ağır və məsuliyyətli bir dövrünü – 1993-2003-cü illəri əhatə edən siyasi fəaliyyət salnaməsidir.
Kitabın 1993-1997-ci illəri əhatə edən birinci hissəsi “Prezident. Xronika. 1993-1997” 1998-ci ildə Ulu Öndərin xeyir-duası ilə işıq üzü görüb.
Hazırkı nəşr Qeyri-Hökumət Təşkilatlarına Dövlət Dəstəyi Agentliyinin elan etdiyi “Heydər Əliyev İli”nə həsr olunan müsabiqənin qalibi olmuş Azərbaycan Tarixçiləri İctimai Birliyinin “Xronika. 1993-2003” kitab-albomunun nəşri” layihəsi çərçivəsində hazırlanaraq “GL Technical Services” MMC-nin maliyyə yardımı ilə çap olunub.
Qeyd edək ki, nəşrin ideya müəllifi və tərtibçisi siyasi elmlər üzrə fəlsəfə doktoru Aynur Bəşirli, elmi redaktoru akademik Yaqub Mahmudov, texniki redaktoru riyaziyyat üzrə fəlsəfə doktoru Mehri Xanbabayeva, fotoqrafı Rafiq Bağırov, dizayneri Sevda Məmmədzadə, korrektoru filologiya üzrə fəlsəfə doktoru, Dos. Şəhla Tahirqızıdır.
