BAYRAQDAR MEDİA – AMEA Mərkəzi Elmi Kitabxanasında yer alan kitablardan biri də filologiya elmləri doktoru Şahbaz Şamıoğlunun “Əhməd Ağaoğlu: həyatı, mühiti, nəsri və epistolyar irsi. Sənətkarın elmi pasportu – 44” monoqrafiyasıdır.
Kitab AMEA Nizami Gəncəvi adına Əlyazmalar İnstitutu Elmi Şurasının qərarı ilə çapa tövsiyə olunub.
Monoqrafiyanın birinci fəslində görkəmli mühacir, yazıçı-mütəfəkkir Əhməd Ağaoğlunun həyatı və mühiti, ikinci fəslində bədii-fəlsəfi, üçüncü fəslində bədii-sənədli nəsri, dördüncü fəslində epistolyar irsi təqdid olunub.
Nəşr ədəbi-elmi ictimaiyyət, filoloji ixtisaslar üzrə təhsil alanlar üçün nəzərdə tutulub.
Qeyd edək ki, kitabın elmi redaktoru filologiya elmləri doktoru Nikpur Cabbarlı, rəyçiləri filologiya elmləri doktoru Abid Tahirli və filologiya üzrə fəlsəfə doktoru Güldəniz Qocayevadır.
