BAYRAQDAR MEDİA – Dekabrın 24-də keçirilmiş Respublika Fənn Olimpiadalarının (RFO) rayon (şəhər) mərhələsinin nəticələri elan edilib.
Bu haqda Elm və Təhsil Nazirliyinin yaydığı xəbərdə bildirilir.
Xəbərdə qeyd olunur ki, “şagirdlər portal.edu.az saytındakı şəxsi kabinetləri və ya təhsil aldıqları ümumi təhsil müəssisələri vasitəsi ilə nəticələrlə tanış ola bilərlər. Nəticələrlə bağlı ərizələr 3 iş günü ərzində qəbul edilir. Bildirilir ki, müraciətlər office@arti.edu.az e-poçt ünvanına yazılı şəkildə göndərilməlidir”.
Qeyd edək ki, Olimpiadaların təşkilində məqsəd istedadlı uşaqların aşkar olunması, şagirdlərdə fənlərə olan marağın artırılması, onların sağlam rəqabət mühitində öz bilik və bacarıqlarını nümayiş etdirmələrinə imkan yaratmaqdır.
Onu da bildirək ki, Kapital Bankın baş sponsorluğu ilə keçirilən RFO-nun respublika mərhələsinin yarımfinal turu ilə bağlı məlumatlar yaxın zamanda paylaşılacaq.
