BAYRAQDAR MEDİA – “Batareyaları təhvil ver, təbiəti qoru” layihəsinə məktəblilər də öz töhfəsini verir.
Bu haqda Ekologiya və Təbii Sərvətlər Nazirliyinin (ETSN) yaydığı xəbərdə deyilir.
Xəbərdə bildirilir ki, “layihə çərçivəsində 59 nömrəli tam orta məktəbin şagirdləri 7 kq işlənmiş batareya toplayaraq təhvil veriblər. Eyni zamanda, məktəbin həyətində ekokönüllülərin iştirakı ilə şagirdlərlə birgə ağacəkmə aksiyası da həyata keçirilib”.
Qeyd edək ki, keçən ilin aprel ayında məktəb şagirdlərinin ətraf mühit sahəsində bilik və bacarıqlarının artırılması, tullantıların düzgün idarə edilməsi prosesinə cəlb olunması məqsədi ilə ETSN tərəfindən 59 nömrəli tam orta məktəbdə maarifləndirici görüş keçirilib və işlənmiş batareyalar üçün toplama qutusu təqdim edilib. Həmin vaxtdan etibarən şagirdlər mütəmadi olaraq batareyaları toplayıb təhvil verirlər.
