BAYRAQDAR MEDİA – Türkmənistanda ənənə halını alan və tədbirlərdə əsas mövzu kimi qəbul edilən hər ilin əvvəlində müəyyən edilən şüar açıqlanıb.
Bu barədə Kirim Haber Ajansı məlumat yayıb.
Məlumata əsasən, Türkmənistan 2024-cü ildə ölkədə keçiriləcək tədbirlərin “Hikmət ümmanı Məxtumquli Fəraqi” şüarı ilə keçirilməsinə qərar verib: “Qərar Türkmənistan Məclisi tərəfindən türk dünyasının böyük şairi və mütəfəkkiri Məxtumquli Fəraqinin anadan olmasının 300 illiyi şərəfinə qəbul edilib”.
Məxtumquli Fəraqinin 300 illik yubileyi şərəfinə poçt markası hazırlanacaq
Məlumatda deyilir ki, Prezident Serdar Berdimuhamedov qərarı təsdiqləyib: “Bu qərarla 2024-cü ildə Məxtumquli Fəraqinin hər bir tədbirdə anılması, onun ədəbi irsinin dünya miqyasında tanıdılması və elmi araşdırmaların artırılması hədəflənib”.
