Son yeniləmə: 25 Dekabr 2023 15:21
BAYRAQDAR MEDİA – Dekabrın 28-i saat 19:00-da Müslüm Maqomayev adına Azərbaycan Dövlət Akademik Filarmoniyasında Türk Mədəniyyəti və İrsi Fondu tərəfindən Dünya Azərbaycanlılarının Həmrəyliyi Günü və Yeni il münasibəti ilə “Turan” Etno-Folklor ansamblının və “Zəfər” muğam qrupunun iştirakı ilə konsert proqramı təşkil ediləcək.
Bu haqda xəbər BAYRAQDAR MEDİA-ya sözügedən Fonddan daxil olub.
Xəbərdə deyilir ki, “konsert proqramı çərçivəsində türk dünyasının zəngin musiqisi nümayiş etdiriləcək. Konsertdə rəsmilər, Azərbaycanda akkreditə olunmuş diplomatik korpusun nümayəndələri, beynəlxalq təşkilatların rəhbər və nümayəndələri, deputatlar, tanınmış mədəniyyət və incəsənət xadimləri iştirak edəcək”.
