Son yeniləmə: 25 Dekabr 2023 11:34
BAYRAQDAR MEDİA – Türkiyənin İstiqlal şairi Mehmet Akif Ersoyun xatirəsi ata ocağı Kosovada, İpəkdə dualarla anılıb.
Bu barədə Kirim Haber Ajansı məlumat yayıb.
Bildirilib ki, “şairin anadan olmaısnın 150-ci ildönümü münasibətilə İpək Yunus Emrə İnstitutu (YEE), Beynəlxalq Türk Mədəniyyəti Təşkilatı (TÜRKSOY), Türkiyə Yazarlar Birliyi (TYB) və Ankara Sosial Elmlər Universitetinin (ASBU) birgə təşkilatçılığı ilə “Buxaradan Kosovoya Mehmet Akif Ersoy” adlı tədbir keçirilib. Tədbirdə Türkiyənin Priştinadakı səfiri Sabri Tunç Angılı, Kosova regional inkişaf naziri və Kosova Demokratik Türk Partiyasının (KDTP) sədri Fikrim Damka, TÜRKSOY baş katibinin müavini Sayit Yusuf, YEE Kosovo koordinatoru Ramazan Yılmaz və digər şəxslər iştirak ediblər. Bundan əlavə, tədbirdə ölkədəki türk qurumlarının nümayəndələri və Mehmet Akif Ersoyun Kosovodakı qohumları da iştirak edib”.
Məlumata görə, yubiley tədbirləri çərçivəsində İstoğun Suşitsa (Susica) Mehmet Akif Ersoy məscidində Qurani-Kərim oxunub. Digər tərəfdən kino, serial və teatr aktyoru Ahmet Yenilmez Kosovanın paytaxtı Priştinada M.A.Ersoyun həyatından və Çanakkale dastanından bəhs edən tək adamlıq “Korkma” tamaşasını səhnələşdirib.
