BAYRAQDAR MEDİA – TÜRKSOY-un dəstəyi ilə İzzet İbrahisoylu tərəfindən nəşrə hazırlanan “Fotoğraflarda köçərilik və köçəri türklər” adlı çap əsəri Skopyedə təqdim edilib.
Yeni Balkan xəbər verir ki, təqdimata TÜRKSOY Baş katibinin müavini Sayit Yusuf və Türkiyənin Skopyedəki səfiri Hasan Mehmet Sekizkök də qatılıb. Təqqdimat mərasimində “Yeni Balkan” qəzetinin baş redaktoru Mürteza Sulooca moderatorluğu ilə müzakirələr keçirilib. Dörd il əvvəl Doğu Makedoniyanın Gökçeli kəndinə ilk səfəri ilə Yörük bölgəsinə ilk dəfə addım atdığını bildirən səfir Hasan Mehmet Sekskök deyib: “Yörüklərimizin yaşadığı Doğu makedoniyada ilk addımımı dörd il əvvəl Gökçeli kəndinə səfərimlə atdım. Səmimi qarşılanmadan sonra şirin kənd məktəbində Gökçelinin gözəl insanları və şagirdləri ilə söhbət etdik”.
