Son yeniləmə: 21 Dekabr 2023 11:06
BAYRAQDAR MEDİA – Quzey Makedoniyanın Baş nazir və SDSM lideri Dimitar Kovaçevski bəyan edib ki, 2024-cü ildə seçki yarışı iki blok, avropapərəst və anti-Avropa blokları arasında keçiriləcək.
Bu barədə Yeni Balkan məlumat yayıb.
Məlumata əsasən, D.Kovaçevski jurnalistlərin 2024-cü ildə keçiriləcək parlament seçkilərində Alban siyasi partiyaları ilə birlikdə iştirak edib-etməyəcəyi ilə bağlı sualını cavablandırıb.
Baş nazir koalisiya ortaqlığı haqqında ətraflı məlumat vermədən “Əvvəl də demişdim ki, seçkilərlə bağlı bütün imkanlar təhlil edilir. Ancaq bir şey dəqiqdir: Bir tərəfdən ölkənin inteqrasiyasını müdafiə edən Avropayönlü blok, digər tərəfdən isə anti-Avropa bloku var ki, onun lideri Makedoniyanın Avropa Birliyinə üzvlük üçün daha 100 il gözləyə biləcəyini bildirir” deyib.
