Son yeniləmə: 20 Dekabr 2023 11:10
Bakıda “Aybüke; Öğretmen Oldum Ben!” filminin galası olacaq
BAYRAQDAR MEDİA – Dekabrın 20-də Bakıda, Nizami Kino Mərkəzində gözəl bir filmin galası olacaq. Söhbət qardaş Türkiyədə istehsal edilən, TRT və BEE-nin ortaq istehsalı olan “Aybüke; Öğretmen Oldum Ben!” filmindən gedir.
Məlumat üçün bildirək ki, “Aybüke; Öğretmen Oldum Ben!” filmi 9 iyun 2017-ci ildə Batmanın Kozluk rayonunda PKK terrorçularının xain hücumu nəticəsində şəhid olan müəllim Aybüke Yalçının həyat hekayəsindən bəhs edir.
Bu filmi Azərbaycan üçün, bizlər üçün dəyərli edən bir tərəfdən onun şəhid müəllimə həsr edilməsidirsə, digər tərəfdən də həmin müəllimin Xocalı ilə bağlılığıdır. Məsələ burasındadır ki, onun adı Xocalıda şəhid olan körpə Aybükənin xatirəsini yaşatmaq üçün verilib.
Bu barədə TRT-nin Genel müdiri Mehmet Zahid Sobacı noyabrın 10-da X sosial hesabındakı paylaşımda qeyd edib: “Onun adı Xocalıda şəhid olan körpə Aybükənin xatirəsini yaşatmaq üçün verilib. Aybüke Yalçın adı, ürəyi, qorxmaz yerişi, şəhidliklə bitən gənc həyatı ilə hamımızın müəllimi, qəhrəmanı oldu”.
İsmi, Hocalı'da şehit edilen Aybüke bebeğin hatırasını yaşatmak için verildi.#AybükeYalçın ismiyle, yüreğiyle, korkusuz yürüyüşüyle, şehadetle nihayetlenen genç ömrüyle hepimizin öğretmeni ve kahramanı oldu.#AybükeÖğretmenOldumBen filmimiz 24 Kasım’da vizyonda.@trtsinema pic.twitter.com/aA9GCbEVet
— Zahid SOBACI (@zahidsobaci) November 10, 2023
Onu da qeyd edək ki, “Aybüke; Öğretmen Oldum Ben!” filmi ilk dəfə 2023-cü il noyabrında Türkiyədə, Cumhurbaşkanlığı Külliyesində nümayiş etdirilib.
Cumhurbaşqanı Recep Tayyip Erdoğan və xanımı Emine Erdoğan filmin Beştepe Millet Kongre ve Kültür Merkezindəki ilk nümayişini şəhid müəllim Aybüke Yalçının anası Zehra, atası Sadık və qardaşı Aybars Yalçın, həmçinin, filmin aktyorları ilə birlikdə izləmişdi.
Filmin sonunda həyat yoldaşı Emine Erdoğanla səhnəyə çıxan Cümhurbaşqanı Recep Tayyip Erdoğana şəhid müəllimin ailəsi tərəfindən Aybüke Yalçının istifadə etdiyi bağlama (türk sazı- N.A) hədiyyə edilmişdi.
R.T.Erdoğan bağlamanı A.Yalçının atasından öpərək almışdı.
