Press "Enter" to skip to content

Xəyanət edənlərin cəzası sizi çox güldürəcək -VİDEO

“Xəyanətə yox” filmi dekabrın 21-dən bütün kinoteatrlarda nümayiş olunacaq

Son yeniləmə: 19 Dekabr 2023 11:30

BAYRAQDAR MEDİA – Romantik komediya janrında çəkilən “Xəyanətə yox” filminin yayım tarixi bəlli olub. Ekran işi 21 dekabrdan ölkənin bütün kinoteatrlarında nümayiş olunacaq.

Bu barədə BAYRAQDAR MEDİA-ya Park Cinema kinoteatrlar şəbəkəsindən məlumat verilib.

Bildirilib ki, “toy günündə hamı ekranlarda bəylə gəlinin “Love Story” ni gözlədiyi vaxt, bəyin xəyanət videosuna baxmalı olurlar. Aləm bir-birinə dəyir, toy dağılır. Təbii ki, bu xəyanət bağışlanmır. Xəyanət olunan baş qəhrəmanlar bir araya gəlib “Bizə xox gəlməyin! Xəyanət görmüsünüzsə XOX-a gəlin!” sloqanı ilə intiqam almağa başlayırlar. Xəyanət edənlərin cəzası sizi çox güldürəcək”.

Məlumata əsasən filmdə Mətanət Əliverdiyeva, Nicat Rəhimov, Aysel Səlimli Danilova, Rəsul Abbasov, Aydan Ağayeva, Şəms Allahverdiyeva, Tərlan Nur Yaşar, Aqil M.Quliyev, xalq artistləri Sabir Məmmədov, Həmidə Ömərova, Şamil Süleymanlı, əməkdar artistlər Vaqif Kərimov, Rövşən Kərimduxt və başqaları rol alıb. Qeyd edək ki, ekran əsərinin quruluşcu rejissoru Valeh Əhmədovdur.

Mission News Theme by Compete Themes.