BAYRAQDAR MEDİA – Türk Dövlətləri Təşkilatının müşahidəçi üzvü olan qardaş Macarıstanın Baş naziri Viktor Orban maraqlı paylaşımla diqqət çəkib. O, “Həyatımın ən yaxşı sövdəsini etdim! Bir at gücü qarşılığında 435-ni aldım”, deyə sosial media hesabında yazıb.
Paylaşıma əlavə edilmiş şəkillərlə də bu sövdəni göstərən Baş nazirin halından məmnunluğu da diqqət çəkir.
Məsələ ondadır ki, qardaş Türkiyənin Macarıstanda səfərdə olan Cümhurbaşqanı Recep Tayyip Erdoğan Viktor Orbana TOGG avtomobili hədiyyə edib. Bu avtomobilin at gücü isə 435-ə bərabərdir.
Viktor Orban da öz növbəsində Cümhurbaşqanına bir at hədiyyə edib və belə bir paylaşım ortaya çıxıb.
