BAYRAQDAR MEDİA – Dekabrın 16-17-də qardaş Qazaxıstanın çəkdiyi “Qorqıd” çoxseriyalı filmi tamaşaçılara təqdim edilib. Qardaş ölkə mediasının verdiyi xəbərə görə, film Qazaxıstan TV-də göstərilib.
Bildirilir ki, filmin Azərbaycan, Qırğızıstan, Özbəkistan və Türkiyədə də yayımlanması nəzərdə tutulur. Uyğun olaraq AzTV, KTRK, Özbəkistan TV və TRT filmi dublyajda təqdim edəcək.
Filmi Qazaqstan TV və Radio Qurumu istehsal edib. Bu işdə qardaş Qırğızıstan və qardaş Özbəkistan da iştirak edib. Çəkilişlər Qazaxıstanın Almatı, Özbəkistanın Xivə bölgələrində gerçəkləşdirilib.
Dörd bölümlük filmdə Qırğızıstanın Xalq sənətçisi Rısbay İsaqov və məşhur aktyor Askat Süleymanov da rol alıb.
Adından da göründüyü kimi, film türk xalqlarının ortaq tarixi şəxsiyyəti olan Dədə Qorduq – Qorqud Atadan bəhs edir.
