Son yeniləmə: 15 Dekabr 2023 14:46
BAYRAQDAR MEDİA – Qazaxıstan Konstitusiya Məhkəməsinin sədri Elvira Azimovanın rəhbərlik etdiyi nümayəndə heyəti Cenevrədə Ümumdünya İnsan Hüquqları Bəyannaməsinin qəbulunun 75-ci ildönümünə həsr olunmuş BMT tədbirlərində iştirakını başa çatdırıb.
Bu barədə 24KZ məlumat yayıb.
Bildirilib ki, ölkə nümayəndələri Qazaxıstanın siyasi və insan hüquqları sahəsində islahatların aparılması təcrübəsindən danışıb, forum çərçivəsində bir sıra tədbirlər keçiriblər. Qazaxıstanin bu sahədəki təcrübəsi BMT-də təqdim edilib.
Məsələ ilə bağlı sayta danışan Elvira Azimova çıxışında deyib ki, bu günün qlobal çağırışları qlobal həllərin işlənib hazırlanmasını və cari hadisələrə düzgün və adekvat cavab vermək bacarığını tələb edir: “Tədbir çərçivəsində görüşdüyümüz demək olar ki, bütün nümayəndə heyətləri Qazaxıstanda aparılan islahatları yüksək qiymətləndirirlər. Onlar dekabrın 8-i ərəfəsində dövlət başçısı tərəfindən insan hüquqları sahəsində Fəaliyyət Planının qəbul edilməsini alqışlayırlar. Sənəd gender bərabərliyinin gücləndirilməsi və məişət zorakılığı ilə mübarizədən tutmuş, cinayət mühakiməsində vətəndaşların müdafiəsinə qədər 41 bənddən ibarət 9 bölmədən ibarətdir. Qazaxıstanda ilk dəfə olaraq hüquq müdafiə təşkilatının təcrübəsi bu siyahıya daxil edilib”.
