BAYRAQDAR MEDİA – Azərbaycan Dövlət Akademik Musiqili Teatrında müxtəlif rejissorların quruluşunda yeni-yeni səhnə əsərlərinin məşqləri uğurla davam etdirilir. Onlardan biri də “Şöhrət” ordenli Xalq artisti İlham Namiq Kamalın librettosu və quruluşunda hazırlanan “Əliqulu evlənir” (Oqtay Rəcəbov, Sabit Rəhman) komediyasıdır.
Bu haqda xəbər BAYRAQDAR MEDİA-ya sözügedən Teatrın mətbuat xidmətindən daxil olub.
Xəbərdə deyilir ki, “tamaşanın məşqində Musiqili Teatrın direktoru, Əməkdar incəsənət xadimi, fəlsəfə doktoru Əliqismət Lalayev iştirak edib, yaradıcı heyətlə fikir mübadiləsi aparıb, bəzi tövsiyələrini verib. Musiqili Teatrının səhnəsində yazıçı-dramaturq S.Rəhmanın “Hicran” komediyasından sonra onun ikinci bir əsərinin səhnəyə qoyulmasının böyük məsuliyyət olduğunu vurğulayan Xalq artisti yaradılan şəraitə görə teatr rəhbərliyinə minnətdarlığını bildirib”.
Sonra xəbərdə bildirilir ki, “dövrlə səsləşən tamaşanın bəstəkarı Əməkdar incəsənət xadimi O.Rəcəbov, musiqi mətnlərinin müəllifi isə Əməkdar incəsənət xadimi, tanınmış şair Baba Vəziroğludur. Səhnə əsərinin quruluşçu dirijoru Əməkdar İncəsənət xadimi Fəxrəddin Atayev, xormeysteri Əməkdar artist Vaqif Məstanov, quruluşçu baletmeysteri Əməkdar artist Emin Əliyev, quruluşçu rəssamı Əməkdar rəssam Nabat Səmədova, geyim üzrə rəssamı Nübar Hüseynova, konsertmeysteri Fidan Əliyeva, rejissor assistenti Əməkdar artist İqrar Salamovdur”.
Rol bölgüsünə əsasən tamaşada İlham Namiq Kamalla yanaşı, Əməkdar artistlər Nahidə Orucova, İqrar Salamov, Prezident mükafatçısı Səmədzadə Xasiyev, aktyorlar Ülviyyə Əliyeva, Rəsmiyyə Nurməmmədova, Gültac Əlili, Aydan Həsənova, Əliməmməd Novruzov, Şaban Cəfərov, Eleonora Abbasova, Gülnarə Əzizova, Ruslan Mürsəlov, Elçin İmanov, Mehriban Rəcəbova, Nərmin Əliyeva, Böyükxanım Məmmədova, Nəzrin İsmayılzadə, Əlizamin Abbasov iştirak edəcəklər.
Teatrın əksər tamaşalarında olduğu kimi, bu tamaşada da xor və balet artistləri səhnəyə çıxacaqlar.
