BAYRAQDAR MEDİA – Dekabrın 16-da Azərbaycan Vokalçıları III Beynəlxalq Festivalı çərçivəsində Bakı Musiqi Akademiyası nəzdində Opera Studiyasında Cüzeppe Verdinin “Traviata ”operası nümayiş olunacaq.
Bu haqda Azərbaycan Dövlət Akademik Opera və Balet Teatrının yaydığı xəbərdə deyilir.
Xəbərdə deyilir ki, “tamaşa səhnəyə qoyulmasının 170 illiyinə həsr olunur. Səhnə əsərində Xalq artisti Əkrəm Poladov, Əməkdar artistlər İnarə Babayeva, Ramil Qasımov, Cahangir Qurbanov, Səbinə Vahabzadə, İqor Yadrov, Tural Ağasıyev iştirak edirlər. Solistlər isə Mahir Tağızadə və Nina Makarovadır”.
Qeyd edək ki, tamaşa saat 19:00-da başlayacaq.
