Son yeniləmə: 14 Dekabr 2023 14:25
İlhami Bilgen: Arzu edirik ki, qardaş Azərbaycandan KKTC-yə birbaşa təyyarə reysi açılsın
BAYRAQDAR MEDİA – “Azərbaycanın Vətən müharibəsindəki zəfərindən sonra yeni reallıqlar yaranıb. Artıq qalib Azərbaycan regional və qlobal baxımdan proseslərdə aparıcı söz sahibinə çevrilib”.
Bunu BAYRAQDAR MEDİA-ya özəl müsahibəsində Kıbrıs Türk İş İnsanları Derneğinin (İŞAD) İdarə Heyətinin üzvü və Azərbaycan üzrə təmsilçisi İlhami Bilgen deyib.
O, qeyd edib ki, Azərbaycanın KKTC məsələsinə xüsusi həssaslıq və sevgi ilə yanaşması Kıbrıs türklərini sonsuz dərəcədə məmnun edir: “Azərbaycan tərəfindən atılan hər bir addım Kıbrıs türk xalqı tərəfindən sevinc və coşqu ilə qarşılanır. Eyni zamanda, arzu edirik ki, qardaş Azərbaycandan KKTC-yə birbaşa təyyarə reysi açılsın. Əgər bu olarsa o zaman iki qardaş ölkə və xalq arasında əlaqələr daha da dərinləşə, daha da intensivləşə bilər”.
Onun sözlərinə görə, KKTC vətəndaşları adətən həftə sonları, yaxud da bayram günlərində İstanbula üz tuturlar: “Amma Azərbaycanla birbaşa təyyarə reysləri olsa vətəndaşlarımız bura gələcəklər. Bunda kimsənin şübhəsi olmasın. Bu, eyni zamanda KKTC gənclərini Azərbyacan universitetlərində təhsil almasına da stimul verəcək”.
