Son yeniləmə: 13 Dekabr 2023 13:59
BAYRAQDAR MEDİA – 11 – 12 dekabr 2023-cü il tarixlərində Bakı şəhərində yerləşən mərkəzi icra hakimiyyəti orqanlarında mentorluq və kuratorluq fəaliyyətini həyata keçirən dövlət qulluqçuları üçün “Kuratorluq fəaliyyəti ilə məşğul olan şəxslər üçün mentorluq” mövzusunda təlim keçirilib.
Dövlət İmtahan Mərkəzinin (DİM) inzibati binasında təlimçi Anar Həsənov tərəfindən keçirilən təlim Azərbaycan Respublikası Prezidentinin 2022-ci il 22 iyul tarixli 3378 nömrəli Sərəncamı ilə təsdiq edilmiş “Azərbaycan Respublikasının 2022-2026-cı illərdə sosial-iqtisadi inkişaf Strategiyası”nın icrası çərçivəsində olub.
DİM-dən verilən məlumata əsasən təlim zamanı iştirakçılar yeni kadrların hazırlanması, təcrübə bölgüsü və davamçıların yetişdirilməsi mövzularında nəzəri və praktiki biliklərə yiyələniblər.
