Son yeniləmə: 13 Dekabr 2023 14:00
BAYRAQDAR MEDİA – Türkiyənin Anadolu Universiteti lisey şagirdləri üçün kampus turları təşkil edir.
Bu barədə eskisehir.net məlumat yayıb.
Bildirilib ki, “Anadolu Universiteti Korporativ Ünsiyyət Koordinatorluğu Tanıtım Ofisi tərəfindən təşkil edilən kampus turları təcrübəli kampus bələdçilərinin müşayiəti ilə həyata keçirilir. Bələdçilər onları Anadolu Universitetinin Yunus Emre Kampusunu gəzdirərkən, şagirdlərə kampus, idman, yeməkxana, kitabxana, təqaüd və yerləşdirmə imkanları, tələbə klubları və bu kimi mövzular haqqında məlumat verirlər. Bundan əlavə, şagirdlərə onları maraqlandıran mövzularla bağlı professor-müəllim heyətinə sual vermək imkanı yaratmaq üçün fakültə səfərləri təşkil edilir”.
Qeyd edilib ki, universitet tanıtım turları şagirdlərə karyera planları və seçimlər etməkdə kömək edir: “Eyni zamanda, universitet mədəniyyəti, şöbələri, tələbə həyatı və bu kimi məsələlərlə bağlı yerində məlumat əldə etmək şagirdlərin motivasiyasını artırmağa, dünyagörüşünü genişləndirməyə imkan verir. Bu məqsədlə universitet imtahanına hazırlaşan 12-ci sinif şagirdlərinin tanıtım turları davam edir”.
