Son yeniləmə: 11 Dekabr 2023 11:24
İlhami Bilgen: Arzu edirəm ki, oğlum gələcəkdə ali təhsilini Qarabağ Universitetində alsın
BAYRAQDAR MEDİA – “Biz çox istərdik ki, övladlarımız Avropadakı ali məktəblərdənsə türk yurdu olan Azərbaycandakı ali məktəblərdə təhsil alsınlar. Öz milli kimliklərinə, türk adət-ənənələrinə sadiq bir ruhda, aparıcı mütəxəssis kimi yetişsinlər”.
Bunu BAYRAQDAR MEDİA-ya özəl müsahibəsində Kıbrıs Türk İş İnsanları Derneğinin (İŞAD) İdarə Heyətinin üzvü və Azərbaycan üzrə təmsilçisi İlhami Bilgen deyib.
Xatırladaq ki, onunla geniş müsahibəni yaxın günlərdə təqdim edəcəyik.
İlhami Bilgenin sözlərinə görə, iki qardaş ölkə arasında müəllim və tələbə heyətinin qarşılıqlı mübadiləsi də həyata keçirilə bilər: “Deyək ki, qarşılıqlı razılaşma əsasında bir ölkənin tələbələri digər ölkənin ali təhsil ocağında bir il, yaxud tam müddətdə, yəni 4 il ali təhsil ala bilər. Şəxsən mən arzu edirəm ki, oğlum gələcəkdə ali təhsilini Azərbaycandakı ali məktəblərdə, lap elə Qarabağ Universitetində alsın”.
