Son yeniləmə: 8 Dekabr 2023 15:45
BAYRAQDAR MEDİA – Türk Əməkdaşlıq və Koordinasiya Agentliyi (TİKA) Qazaxıstan universitetlərində türk dili kursları açmağa davam edir.
Kirim Haber Ajansının məlumatına görə, TİKA yeni türkcə kursunu bu dəfə Qazaxıstanın Karaqandı şəhərindəki E.Buketov adına Karaqandı Universitetində açıb: “Açılışda E.Buketov adına Karaqandı Universitetinin rektoru Nurlan Dulatbekov çıxış edib. Rektor “Biz buna sevinirik. Əminəm ki, bu gözəl və müasir sinif otağı tələbələrimizi türk dilini öyrənməyə həvəsləndirəcək” deyib”.
Məlumata görə, TİKA-nın vitse-prezidenti Ümit Naci Yorulmaz da mərasimdə çıxış edib: “Bu gənclərin sayəsində Qazax-Türkiyə qardaşlığı, dostluğu əbədi qalacaq. Biz TİKA olaraq belə bir hədəfin bir parçası olduğumuz üçün həqiqətən xoşbəxtik”.
