Son yeniləmə: 8 Dekabr 2023 10:38
BAYRAQDAR MEDİA – Denizli Böyükşəhər Bələdiyyəsinin 4-cü Beynəlxalq Karikatura Yarışması üçün müraciətlər başlayıb.
Bu barədə bələdiyyədən BAYARQDAR MEDİA-ya verilən məlumatda qeyd edilib.
Bildirilib ki, “mövzusu “Müharibə və Sülh” olan müsabiqəyə dünyanın hər yerindən bütün həvəskar və peşəkar karikaturaçı rəssamlar qatıla bilər. Əsərlərin onlayn təqdim ediləcəyi müsabiqə üçün müraciətlər Denizli Böyükşəhər Bələdiyyəsinin rəsmi internet saytından ediləcək”.
Məlumata əsasən, bütün həvəskar və peşəkar karikaturaçıların iştirak edə biləcəyi müsabiqəyə əsərlər ən geci 25 fevral 2024-cü il bazar günü saat 24:00-a qədər yüklənə bilər: “Denizli Böyükşəhər Bələdiyyəsi 5 fərqli mükafat verəcək: Birinci yer (20.000 TL), ikinci yer (15.000 TL), üçüncü yer (10.000 TL), mansiyon (3 ədəd, 5.000 TL) və 18 yaşa qədər (3 ədəd, 3000 TL). Müsabiqədə bir nəfər maksimum 3 əsərlə iştirak edə bilər”.
Denizli Böyükşəhər Bələdiyyəsi 4-cü Beynəlxalq Karikatura Yarışmasının müraciət şərtləri ilə bu saytdan tanış olmaq olar: “Münsiflər heyəti üzvlərinin işləri 2-3 mart 2024-cü il tarixlərində qiymətləndirəcəkləri bildirilsə də, müsabiqənin nəticələri 8 Mart 2024-cü ildə Denizli Böyükşəhər Bələdiyyəsinin rəsmi internet saytında açıqlanacaq. Mükafat mərasimi və sərgi 15 Mart 2024-cü il Cümə günü Dənizli Böyükşəhər Bələdiyyəsi Turan Bahadır Sərgi Salonunda keçiriləcək”.
