BAYRAQDAR MEDİA – Dekabrın 8-dən fevralın 2-dək “Zaman Art Gallery”də müasir rəssam və məşhur stilist Fazilə Rəcəbovanın “Dirilən daşlar” adlı fərdi sərgisi olacaq.
Bu haqda xəbər BAYRAQDAR MEDİA-ya “Zaman Art Gallery”dən daxil olub.
Xəbərdə bildirilir ki, “istedadlı rəssamların sayəsində Azərbaycan həmişə öz mozaikaları ilə məşhur olub. Yaradıcı insan olan və sənətindən ilham alan F.Rəcəbova da mozaika sənətinin fəlsəfəsinə qərq olub və onu öyrənməyə başlayıb. Rəssam sözügedən sərgini Azərbaycanda mozaika sənətinin canlanmasına töhfə vermək məqsədi ilə təşkil edəcək. O, mozaika pannoları şəklində silsilə əsərlər yaradıb. Rəssamın yaradıcılıq ideyalarının həyata keçirilməsi prosesində Yelena Suvorova da iştirak edib. Bildirək ki, bu, F.Rəcəbovanın ilk sərgisidir”.
