Son yeniləmə: 6 Dekabr 2023 10:57
BAYRAQDAR MEDİA – Beynəlxalq Muğam Mərkəzinin və Azərbaycan Dövlət Akademik Filarmoniyasının solisti Rəvanə Qurbanova və Tarzən Rövşən Qurbanovun “Qəlbimizin səsi” adlı konserti olub.
Bu barədə verilən məlumatda deyilir ki, Beynəlxalq Muğam Mərkəzinində keçirilən konsertdə, Azərbaycanın görkəmli musiqişunasları, xalq artistləri və cox sayda tamaşıcı iştirak edib.
Məlumata əsasən, solist Rəvanə Qurbanova və Tarzən Rövşən Qurbanov, muğam, xalq mahnıları, bəstəkar mahnıları və bir sıra fərqli janırlarda musiqilər ifa ediblər: “Tədbirdə Azərbaycanın görkəmli tarzəni, dosent, professor, Xalq artisti Vamiq Məmmədəliyev, Xalq artisti xanəndə Mənsum İbrahimov və görkəmli tarzən, Xalq artisti Ramiz Quliyev cıxış ediblər. V.Məmmədəliyev cıxışında, konsertin yüksək səviyyədə oldugunu bildirib və davamlı olmasını arzu edib. O, R.Qurbanovun artıq professional tarzən kimi uğurlar qazandığını xüsusilə qeyd edib. M.İbrahimov, R.Qurbanovanı 2007-ci ildə keçirilən Muğam Televiziya Müsabiqəsindən tanıdığını və onun bir sıra ugurlarından danışıb. R.Quliyev isə R.Qurbanovun professional tarzən, yaxşı müəllim və gözəl ailə başcısı olmağını qeyd edib. Çıxışında R.Quliyev həmçinin Azərbaycan Respublikasının Birinci vitse-prezidenti Mehriban Əliyevaya muğam sənətinə verdiyi dəstəyə görə təşəkkür edib”.
Məlumatda o da qeyd edilir ki, R.Qurbanova R.Qurbanovla 2011-ci ildə ailə həyatı qurub. Hazırda onların bir qız və bir oğul övladları var.
